又係時候同史友們介紹一下近排嘅考古發現，威尼斯湖水怪嘅故事大家就聽唔少，之但係如果講到威尼斯瀉湖底有條羅馬道路，唔知大家又會點諗呢？

近排英國《科學報告》雜誌就刊登咗一份研究，當中就提到有研究團隊利用過聲納科技發現到位於威尼斯中部以東嘅特雷波蒂海峽（Treporti Channel）海床有一個考古遺跡。據研究結果顯示，呢個地區曾經就有過大型嘅定居點。意大利威尼斯海洋科學研究所的Fantina Madricardo表示，呢次發現嘅遺跡相信係一條連接威尼斯瀉湖南部同埋北部道路嘅一部分，連接咗基奧賈（Chioggia）同埋阿爾蒂納姆市（Altinum）。

研究團隊再進一步展開掃瞄，就發現呢個地區有12個路段，呢啲路段長達一公里，喺水底仲有唔少羅馬的手工藝品，於是呢度好有可能曾經有羅馬人聚居過，至於點解好地地一條路會沉落水底，研究人員推測威尼斯瀉湖海平面喺羅馬時期要比依家低得多，所以原因就係因為海平面上升咁簡單！

原圖嚟自網絡